جسم الفراوله أو V-Line - إختاري فستانك صح | اتيليه هوانم - 0 views
-
جسم الفراوله بيختلف عن باقي الأجسام وغالباً ما بيحصل لغبطه ما بينه وما بين جسم الكمثرى او الجسم الدائرى بس الجسم دة له مميزات ودة اللي بيخليه مختلف عن باقي الأجسام والفروقات دي مش بسيطة ولكن هي فروقات جوهرية وبتنقل الفستان من ستايل الي ستايل تاني خالص ، ودة اللي هنحاول نشرحه النهاردة في المقال دة .
-
جسم الفراوله أو جسم V-Line أو جسم الـ Y-Line : زي ما بيسموه جسم الـ V-line أو جسم اللي بيكون علي شكل تفاحة ودة لأن الجسم دة بيكون مليان من فوق اكثر من تحت . من اكثر النقط اللى بيوقع فيها بنات كثيرة وهي انها بتتلغبط بين جسمها الكمثري ولا الفراوله ، عشان كده هنوضح هنا بالشرح ايه الفرق بينهم .
-
الفرق الرئيسي بين نوعين الجسم ( شكل تفاحة Y-Line أو جسم الـ Y ) وباقي أنواع الجسم الباقية هو أن الجزء العلوي من الجسم (الكتف والصدر) بيكونو مقاسهم أكبر من محيط الوسط او الهانش . جسم الفراوله ما بتقدريش تحددي فيه محيط الوسط تقريباً وبتحسي انك مش عارفة تحددى وسطك وكمان بتحسي ان الصدر عندك أكبر من محيط الهانش أو بارز حجمه وبنسميه Busty وده لأن العروسة هنا بيكون حجم الـ Bust أو الصدر عندها كبير نوعاً ما .
