Gaur egun informazio uholdea izugarria da, infoxikazioaren garaian bizi ohi garela esaten da. Alde guztietatik iristen zaigu zer edo zer interesgarria, baliagarria... Nola kudeatu, baina, informazio hori guztia? Bestalde, azken urteotan asko aldatu da informaziora iristeko modua; izan ere, kontzeptu aldaketa nabarmena egon da horren guztiaren atzean. Duela gutxi arte gu joaten ginen informazio bila (telebista edo irratia piztu, berriak ikusi edo entzuteko; prentsa erosi, gertatzen ari zenaren berri izateko...); orain, dauden baliabideak ondo erabiltzen jakinez gero, informazioa da gugana hel daitekeena. Horretaz gain, gure nortasun digitala eraikitzen joatea ere garrantzitsua da. Gure nortasun digitalarekin batera, gure PLEa eraikitzea ezinbestekoa izango da. Zer da, baina, PLEa (Personal Learning Environment) edo IIPa (Ikasketa Ingurune Pertsonalizatua)? Ondorengo aurkezpenean duzu erantzuna