ETBko "Tribuaren Berbak" saioko materiala erabiliz, euskarari eta Euskal Herriko eleaniztasunari buruzko oinarrizko ezagutza soziolinguistikoa landu nahi du material honek. Sekuentziak, euskara ikasgaiaren material osagarri gisa erabil daitezke.
Nafarroako EIBZk prestatutako bloga. Bere helburua irakasleei euskarazko ikus-entzunezkoak eskura jartzea da. Hori dela eta, sarean dauden bideoak irizpide ezberdinen arabera sailkatu dituzte behar dugun hori errazago aurkitzeko.
Euskal literaturaz informazio zabal-sakona ematen duen webgunea da. Idazle euskaldunez gain, beste hizkuntzetatik itzulitako lanak ere aurki ditzakegu bertan.
Bidaia birtual bat da, site batean garatuta, baina beste euskarri batzuk ere erabiltzen eta lantzen ditu: wikiak, webquestak, sare sozialak... Ingurune eta Euskara lantzen ditu bereziki, baina baditu ere Matematika eta Arte Hezkuntzako hainbat jarduera.
7 sekuentzia dira, Ebro ardatz geografiko gisara hartuta. Proiektu bezala hartu daiteke eta hilabete batzuetarako lana izan.
Banakako lana eta taldekoa konbinatzen du eta jarduera asko eta anitzak proposatzen ditu.
Jarduera batzuk galde-erantzunezkoak dira, baina gehienak ikasleak berak garatu behar ditu, autonomia sustatuz. Metodologia aktiboa eta parte-hartzailea eskatzen du.
Baliabide asko erabiltzen ditu, denak web 2.0 mundukoak, beraz, aukera paregabea dela mundu horretan murgiltzeko.
Webgune honetan euskararen inguruan bildutako informazio sakona dago. Ez zaio soilik morfosintaxiari begiratzen, atal bat besterik ez baita. Luzea, hori bai, baina aldamenean beste hainbeste atal baditu: euskalkiak, hizkuntzaren jabekuntza, hizkuntzaren prozesamendua, hiztegiaren kontua ... SEG-en horiek guztiak lantzen dira. Badu gramatika honek, bestetik, beste ezaugarri argi bat: sarerako egina da. Ez dugu holakorik gehiegi aurkitu munduan: badira, bai, informazioak han-hemenka, gramatika eta hizkuntzei buruz, baina ez dira hemen eskaintzen den lan honen pareko.
Group items tagged 
