Group items tagged

Son recursos para ser empregados na aula de ensino de francés. Normalemente atopamos un documento cun soporte audio, video ou escrito, e a continuación temos unha ficha pedagóxica para explotar ese soporte, incluindo unha ficha para o profesor/a.

Esta é unha páxina web moi útil para aprender a fonética francesa, desde nivel principiante ata avanzado, con multitude de exercicios prácticos. Pódense atopar exercicios orais do abecedario, exercicios de discriminación, xogos e trabalinguas para traballar na aula cos alumnos.

Esta páxina divídese en 4 secións (alfabeto, fonemas, outras actividades e trabalinguas) nas que se explica a teoría e se dispón de diferentes exercicios de pronuncia e escoita.

Os contidos máis útiles para ser empregados na aula de francés son as cancións, as curtametraxes e os dossiers temáticos. Tamén son interesantes os artigos sobre temas de actualidade.

Esta sección da páxina de TV5 Monde propón cada venres dous reportaxes baseados en telexornais francófonos coas súas explotacións didácticas para comprender os acontecementos máis importantes da actualidade francófona. Contén exercicios en liña para os niveis A2, B1, B2.

Esta páxina propón documentos de audio en mp3 para o ensino/ aprendizaxe do francés lingua estranxeira. Pódese utilizar para todos os niveis, xa que os contidos clasifícanse segundo 3 niveis: principiante, intermedio e avanzado. A páxina é moi sinxela e permite unha búsqueda rápida dos contidos organizados en seccións. As actividades que acompañan aos audios están ben feitas, Por outra banda, é un bo recursos para recomendar aos alumnos que queren traballar de xeito autónomo a comprensión oral ou algún contido gramatical ou léxico en particular.