Pantailari etengabe lotuta | Berria.eus - 0 views
-
«Elektrizitateak gizartean ekarri zuen aldaketarekin parekatuko nuke teknologia berriek eragin dutena», dio Santi Urrutiak, EHUko soziologia departamentuko irakasleak. XX. mendean eskuz egin behar ziren gauza ugari makinekin egiteko aukera eman zuen elektrizitateak, eta horrek «erraztasuna eta erosotasuna» ekarri. Internetek ere aldaketa berdinak bultzatu ditu, edozein motatako informazioa eskuratzea askoz ere errazagoa baita.
-
Edonola ere, gizarte osoa ez da teknologia berrien olatura igo. Eten digitala aipatu du Urrutiak, gizartean sortu den banaketarekin gogoratuta. «Teknologia horiek erabiltzen dakitenen eta ez dakitenen artean banatzen da gizartea. Azken horiek analfabeto berriak dira».
-
Menpekotasunaren lehendabiziko ondorioetako bat gizartetik bakartzea izaten da. «Nahiago izaten dute sarean harremanak izan errealitatean baino». Gazteek, gainera, gero eta denbora gehiago pasatzen dute bakarrik. Orokorrean, gurasoak lehen baino gutxiago egoten dira etxean, eta gizartea ere gero eta indibidualistagoa da, psikologoaren arabera. «Beste arlo batzuetako gabeziek, berotasun faltak esaterako, sortzen dituzte askotan menpekotasun horiek».
- ...1 more annotation...
