Garabide elkartea
Erdaraz majo entzuten da egunotan Eskoriatzako HUHEZIko tabernako jangelan, ohi ez bezala. Baina ez gaztelaniaz bakarrik, baizik eta kitxuaz, nasaz, katxikelez eta Ameriketako beste jatorrizko hizkuntzetan ere mintzo dira Olga, Apak, Candelaria, Sinchi eta beste dozena bat lagun. Garabide Elkarteak antolatutako Hizkuntza Biziberritzeko Estrategiak Aditu ikastaroan parte hartzen ari dira, duela hilabete hasita, eta beste bi egingo dituzte gure artean, euskara suspertzeko erabilitako tresnak beren herrialdeetako hizkuntzak indartzeko eta zabaltzeko baliagarri izango zaizkien esperantzaz.
